تبدأ الحكاية
ام محمد:اسماء تعالي يما بدي اياكي
محمد : حاضر يا أمي
اسماء:اه يما شو عاوزة مني من الفجر
ام محمد: قومي يما بدي منك تنظفي الدارالمعازيم بدهم يجو بدري
للغداء وبعدين في حمام العريس لاخوكي وبعديها الفرح مابدنا يما
نقصر بشي فرحتي الاولى هاد
اسماء: حاضر وراحت ا لغرفة اخوها محمد وباعلى صوت قوم يا
عريس صحي النوم قوم جهز امورك
محمد: ماشي يا زعرة هيني بدي أقوم حضريلي الحمام واواعي
الطلعة
اسماء:شو حد بطلع يوم عرسه ونادت على امها يا أمي محمد قال
بدو يطلع
ام محمد : خير يا أمي وين بدك تروح
محمد: بدي اجهز كم غرض قبل العرس
أم محمد: الله يرضى عليك يا أمي روح ولا طول
محمد طلع مشواره وغاب وقت طويل
أسماء:يا أمي محمد طول
أم محمد:والله قلبي صار مثل نار رني عليه يا أمي الله يرضى
عليكي
أسماء: يا أمي جوال محمد مسكر
أم محمد قلبها صار مثل النار وماضل على
لسانها الا يارب احميه ورجعه سالم صار
في صوت طلقات في شارع قريب من بيت
محمد ام محمد اول ما سمعت الصوت قلبها
وقف من الخوف صوت النساء ملا البيت من بكى ودموع
دخلوا على بيت ام محمد والدموع بعينيهم
ام محمد: شو في يا جماعة وصارت تضحك
غصب عنها هههه اليوم فرح ولا حزن الكل
صار يمسك ام محمد ويقلها البقية في حياتك
ام محمد قلبها كان حاسس ان ابنها محمد ما
راح يرجع لكن عقلها ما كان يصدق
اسماء :صارت تصرخ وتبكي وتقلها يا أمي
محمد مات يا أمي العريس راح عند ربنا اااه
يا وجع القلب اااه
ام محمد:صارت تصرخ على أسماء وتقلها
اخرسي محمد عايش ما مات
الناس : خلص يا أم محمد الله يصبرك راح
عند الأحسن منا
أبو محمد دخل وحامل ابنه العريس على كتفه
وقلبه راح يطق قهر ووجع
أم محمد :صارت تزلغط تزف ابنها بيوم
عرسه لكن مش لعروسته زفته لربنا
أم محمد: روح يا أمي قلبي وربي رضيان
عليك
أسماء : ليش تركتني يا محمد مين بدو يضل
يمزح معي أمانة ما تتركني مين بدو يقلي
يا زعرة
عمة محمد : قولي الله يرحمه يا بنتي راح
عند ربنا كلامك بتعبوا اجوا اهلو وناسو
وصحابو وصار كل واحد فيهم يودعوا
صاحب محمد أحمد: ليش يا صاحبي رحت
مو اتفقنا نروح مع بعض ليش تركتني
ورحت ذاكر يا محمد قعداتنا ضحكت اه
طيب مدام كده ليش تركتني ورحت مش أنا
أخوك وصاحبك ليش ياصاحبي طول عمرنا
رفقة وصحاب هيك زعلتني ياصاحبي
الناس :صاروا يقيمو أحمد عن محمد لكن
مارضي قلهم أحمد خذوني معه لاتتركوني
هنا لحالي طول عمري معه ذاكر يا محمد
واحنا صغار كنا نتقاسم مصروفنا مع بعض
وندرس مع بعض وكل شي مع بعض طيب
ليش المرة هاي تركتني ورحت لحالك ااه
ياصاحبي وجعت قلبي روح الله معك يا أخي
راح اشتقلك لكن مش خسارة بربنا سلام
ياعريس
ابو محمد: روح يا ابني قلبي معك مع انو
كسرتلي ظهري شو يابا كلها كان شهرين
وتفرحني بتخرجك واليوم أفرح بفرحك شو
يا سندي خسارة فيا افرحلك شو ماراح
شوف ولادك رحت يا محمد الله يسهل عليك
يا ابني
أم محمد :استنوا لا تاخدوا والله ماشبعت منه
شو يا أمي استعجلت بروحة أنا زعلتك
ياحبيبي اااه ياقلبي اااه
عروسة محمد: ليش يامحمد خالفت برأيك مو
اتفقنا نتزوج اليوم شو صار ببيتنا واحلامنا
الي بنيناها مع بعض خلص لاتزعل انا
ماراح سمي اولادنا لحالنا المهم ما تزعل
طيب اذا مش زعلانة ليش قاعد اليوم فرحنا
قوم غسلوا محمد وجهزوا طلعت جنازة
وزفة العريس مع بعض
محمد موجود بكل بيت من بيوتنا رحمهم الله
بقلمي انا لولو
